От ыйын 3 күнүнээҕи туругунан, Саха сиригэр барыта 9 тыһыынча гаа иэннээх 33 ойуур баһаара күүдэпчилэнэр. Мииринэйгэ, Нерюнгрига, Кэбээйигэ, Тааттаҕа уонна Эбээн Бытантайга баһаары утары 300-тэн тахса киһи охсуһар.
Бэҕэһээ Тааттаҕа 50 гаа иэннээх уот умуллардылар. Ол туһунан экология миниистирин солбуйааччыта Андрей Коноплев сырдатта. Кини этэринэн, ойуур баһаардара Дьааҥы сис хайатын бата этиҥнээх ардах кэлэн ааспыт кэннэ турбуттар. Үгүс уот киһи-сүөһү тиийбэт сиригэр баар.
Баһаары утары ураты эрэсиим 16 муниципальнай тэриллиигэ биллэриллэн турар. Ленскэйгэ уонна Нерюнгрига ыксаллаах быһыы-майгы эрэсиимин тохтоппуттар.
Быйыл сааскыттан Саха сиригэр барыта 22 тыһыынча гаа иэннээх 195 баһаар буолбут. Былырыын бааччаларга 153 этэ.
Бэй.кэр.
Хаартыска: интэриниэт аһаҕас источнигыттан.
