Дьон, тиэхиньикэ тыаҕа, ойуурга сылдьара бобулунна.
Бэс ыйын 29 күнүттэн Дьокуускай куоракка баһаартан ураты сэрэхтээх буолуу эрэсиимин биллэрдилэр. Туһааннаах дьаһалы мээр эбээһинэһин толорооччу Владимир Дорожкин таһаарбыт.
“Авиалесоохрана” иһитиннэрэринэн, ураты эрэсиим олохтонон турар кэмигэр анал тиэхиньикэттэн ураты массыыналар тыаҕа-ойуурга киирэллэрэ, сылдьаллара бобуллар. Итини сэргэ дьон тыаҕа тахсара, мангалга уоту уматара эмиэ бобуллубут, ол иһигэр тыа хаһаайыстыбатын уонна нэһилиэнньэлээх пууннар сирдэригэр. Аһы-үөлү анал аһыыр эбэтэр көҥүллээх эрэ сирдэргэ сылыттар-буһарар көҥүллэнэр. Ону даҕаны аһаҕас уота суох, кыраҕытык кэтээн туран.
Бэй.кэр.
Хаартыска: pikabu.ru/GalinaKorzhova
