Бу нэдиэлэттэн саҕалаан Дьокуускайга бааҥкалаах быыппах атыыланар буолбут. Онуоха-маныаха диэри күҥҥэ 100 бааҥка оҥоһуллар үһү. Ол туһунан СИА суруйар.
– Быыппаҕы бу курдук бааҥкалаан атыылыыр туһунан санаа былырыын алтынньыга Кытайга Кантоннааҕы дьаарбаҥкаҕа сырыттахпына киирбитэ. Бааҥканы көрөөт, төбөбөр быыппах хайдах арылларын, гаастаах утах курдук тута сырдьыгыныы-сыыгыныы түһэрин оҥорон көрбүтүм. Сонно оборудованиетын сакаастаабытын. Бу бэнидиэнньиктэн оҥорон эрэбит”, – диэн Саха информационнай ааҕыныстыбаҕа урбаанньыт Лидия Петрова кэпсээбит.
Урбаанньыт этэринэн, дьон-сэргэ, тэрилтэлэр тута сэҥээрбиттэр, маҕаһыыннаах дьон бииргэ үлэлэр этиилэри киллэртээн барбыттар.
– Биллэн турар, биһиги бородууксуйабыт биллэр-көстөр буолуон баҕарабыт. Баҕа санаабыт туолан эрэр. Дьон сэргиир, ыйытар. Миэхэ хас даҕаны атыы-эргиэн туочуката тахса сырытта. Ол гынан баран, билиҥҥитэ оҥорор сирбитигэр – Дьокуускай мээрийэтин остолобуойугар эрэ – атыылыыбыт. Күҥҥэ 100 бааҥканы кутабыт”, – диэн Лидия сырдаппыт.
Бааҥкалаах быыппах саҥа оҥоһуллан атыыга тахсан эрэр, онон оҥорон таһаарыыны кэҥэтэр, ахсаанын элбэтэр туһунан кэпсэтэр эрдэ. Суруйалларынан, бааҥка ойуутун-дьарҕаатын, суругун-бичигин Клавдия Сергеева уруйдарыгар олороҕуран, дизайнер Иван Павлов оҥорбут.
