Өрөспүүбүлүкэ 2019—2025 сс. хаарбах дьиэттэн көһөрүү бырагырааматын 84%-нын толорбут. 2017 сыллаахха диэри “хаарбах туруктаах” диэн билиниллибит дьиэни-уоту ситэри көтүрэргэ өссө 24,9 млрд солкуобай наада. Ол туһунан Тутуу министиэристибэтэ иһитиннэрэр.
2019—2025 сс. бырагырааманан барыта 940,41 тыһыынча квадратнай миэтэрэ иэннээх дьиэ-уот көтүрүллүбүт, 50 тыһыынчаттан тахса киһи саҥа дьиэҕэ көспүт.
“Ол да буоллар 24,9 млрд солкуобай тиийбэт буолан, өссө 153 тыһ. кв. м иэннээх эргэ дьиэ көтүрүллүбэккэ турар. Онно барыта 7,9 тыһыынча киһи олорор”, – диэн биэдэмистибэ пресс-сулууспата суруйар.
Ил Дархан этэринэн, бу сыл бүтүөр диэри хаарбах дьиэттэн өссө 2,7 тыһыынча киһини көһөрүөхтээхтэр.
Бэй.кэр.
Хаартыса: Анна Лебединская / СИА
