Муус уста турар буолан тыал күүһүрдэ.
Куорат баһылыга Евгений Григорьев уулуссаҕа турар тутуулары бэрэбиэркэлииргэ сорудахтаата. Ыам ыйын 12 күнүгэр куорат былаанныыр мунньаҕын кэмигэр уокуруктар управлениеларыгар уонна хаһаайыстыба тэрилтэлэригэр хонтуруолу күүһүрдэргэ уонна уулуссаҕа турар тутуулар, ол курдук тохтобул павильоннара, реклама щиттэрэ, суол бэлиэлэрэ хайдах туруктаахтарын, тирэхтээхтэрин бэрэбиэркэлииргэ, ону таһынан, боробулуохалар быстыбаттарыгар эбэтэр буккуллубаттарыгар болҕомто уурарга сорудах бэрилиннэ.
Санатар буоллахха, 2023 сыл балаҕан ыйыгар Дьокуускай куорат Речпорт оройуонугар күүстээх тыалтан реклама банера дьахтарга кэлэн түһэн, реанимацияҕа суох буолбута. Бүгүн Дьокуускайга күнүс арҕааҥҥы тыал түргэнэ 5-10 м/с буолуо диэн сабаҕаланар. Мииринэй, Ленскэй, Сунтаар, Ньурба, Үөһээ Бүлүү, Бүлүү уонна Өлөөн оройуоннарыгар сорох сирдэринэн арҕааҥҥы тыал күүһүрэн, түргэнэ 15-18 м/с тиийиэн сөп. Жиганскай уонна Кэбээйи оройуоннарыгар – 15-20 м/с тиийиэ диэн күүтүллэр.
Бэй.кэр.
Хаартыска: Арассыыйа Следовательнай кэмитиэтин Илин эрэгийиэннээҕи тыраанспарка силиэстийэлиир управлениета
