Финалистар харчы уонна Дубайга бастыҥ ресторанҥа үлэ миэстэтин былдьаһыахтара
Дьокуускай Нам бөһүөлэгиттэн сылдьар 22 саастаах Владимир Герасимов «Молодые ножи. Новая Кровь» реалити-шоу иккис сезонугар финалга таҕыста. Кинини сарсын, ыам ыйын 6 күнүгэр, «Пятница!» телеханаалга көрдөрүөхтэрэ.
Саха сириттэн сылдьар Владимир Герасимов Константин Ивлев кытаанах батталыгар түбэспитэ, сыыстаҕына эдэр повар техническэй кухняҕа ыытыллара. Ол эрээри, бу ыарахан тургутуулары барытын Владимир ситиһиилээхтик ааспыт уонна финалга киирэр үрдүк аакка тигиспит.
«Финалга тиийиэм диэн ыралаан да көрбөтөҕүм. Мин — кыра бөһүөлэктэн төрүттээх уолбун, олоҕум тухары кулинарнай шоулары көрөн улааппытым, биир эмэ күн Константин Ивлевтыын үлэлиэхпин баҕарарым. Атын кыттааччылартан куттаммаппын, бүтэһигэр диэри киирсиэм. Бэйэм күүспэр эрэнэбин», — диэтэ Владимир Герасимов.
Финалга повардар үс выпускной эксээмэни туттарыахтара: балыгы үллэстэн биир чаас иһигэр икки ас оҥоруохтаахтар, кулинарнай таабырыннары таайыахтара уонна Birch ресторан шеф-поварыгар Арслан Бердиевка бэйэлэрин сатабылларын көрдөрүөхтэрэ. Константин Ивлевка эксээмэни тутарга шефтэр Илья Захаров уонна Анастасия Костюренко көмөлөһүөхтэрэ.
Кыайыылаах харчынан уонна Дубайга бастыҥ Birch ресторанҥа үлэ миэстэтин кыайыаҕа.
«Молодые ножи. Новая Кровь» кулинарнай реалити-шоуну ыам ыйын 6 күнүгэр киэһэ 19:00 чаастан көрүҥ.
Бэй.кэр.
Хаартыска: «Пятница!» телеханаал / newblood.friday.ru
