Суоппардарга айан суолун былаанныырга уонна суол ыарахан учаастагар болҕомтолоох буолалларыгар көрдөһөллөр
Ыам ыйын 6 күнүгэр, Дьокуускай куоракка Ленин проспегын уонна Киров уулуссатын быһа охсуутугар светофор быстах кэмҥэ үлэлээбэт буолуоҕа. Бу туһунан куорат суол-иис сулууспата иһитиннэрдилэр. Бу хааччахтааһын тутулла турар 1 нүөмэрдээх оскуола таһыгар ыытыллар өрөмүөнүнэн сибээстээх. Светофор күнүс 14:00 чаастан 16:00 чааска диэри үлэлээбэт буолуоҕа.
Ону таһынан, Ойуунускай уулуссатын уонна Михаил Николаев проспегын быһа охсуутугар светофор үлэтин быстах кэмҥэ уларыттылар. Онно суол үлэлэрэ ыытылларынан уонна айан сорох сиринэн хааччахтанарынан сибээстээн, светофор эрдэ бэлиэ биэрэр (эбии) үлэҕэ көһөрүлүннэ. Бу хааччахтааһын ыам ыйын 24 күнүгэр диэри үлэлиир.
Санатыаҕыҥ, муус устар 15 күнүттэн ыам ыйын 10 күнүгэр диэри Дьокуускайга «Зеленая волна» ньыманы боруобалыахтара. Массыына сүүрээнин кытта тэҥҥэ сөптөөх кэмҥэ светофордарга күөх уот умайар. Бу ньыма суоппардарга суол учаастагын тохтобула суох ааһарга, суол мунньустуутун, айан кэмин уонна саахал ахсаанын аҕыйатарга көмөлөһөр.
Бэй.кэр.
Хаартыска: t.me/ProAvtobusYkt
