Өрөспүүбүлүкэ идэлээх сойуустарын быһаарыытынан, быйыл Дьокуускай куоракка 1 маай бырааһынньыгын уруйдуур үөрүүлээх параат эмиэ тэриллибэт буолбут. Парааттар, араас тэрээһиннэр улуустарга ыытыллыахтара. Ити күн Дьокуускайга Доҕордоһуу болуоссатыгар өрөспүүбүлүкэ үлэлээн иитиллээччилэрин чиэстиэхтэрэ.
Улуустарга ыытыллар сэлэлээн хаамыы, миитин, маассабай субуотунньук уо.д.а. тэрээһин олохтоох дьаһалта уонна быраабы араҥаччылыыр уорганнар көҥүллээтэхтэринэ эрэ буолуоҕа.
Санаттахха, киин куоракка Маай бырааһынньыгын параата бүтэһигин хамсык эрэ иннинэ, 2019 сыллаахха, буолбута. Онтон 2022 сыллаахха Ленин бэрэспиэгэ өрөмүөннэнэ турбут буолан, Киирэп уулуссатынан хаампыттара.
Бэй.кэр.
Хаартыска: СИА.
