Үгэс курдук, ыам ыйынааҕы биэнсийэ уонна босуобуйа эрдэ кэлиэҕэ. Ол туһунан Госдума Бүддьүөккэ уонна нолуокка кэмитиэтин чилиэнэ Каплан Панеш эппит.
“Сорох кырдьаҕастар ыам ыйынааҕы биэнсийэлэрин муус устарга ылыахтара. Уопсайынан, төлөбүр кэлиэхтээх күнэ “кыһыл күннэргэ” эбэтэр өрөбүллэргэ түбэһэр буоллаҕына, ол иннинээҕи үлэ күннэригэр, эрдэттэн, ыытыллар”, – диэн дьокутаат Панеш кэпсээбитин РТ суруйар.
Каплан Панеш быһаарарынан, ыам ыйынааҕы биэнсийэни муус устарга биэнсийэлэрин сүрүннээн ый 1—5 күннэригэр баан нөҥүө ылааччылар ылыахтара. Холобур, быйыл ыам ыйын 1 күнэ “кыһыл күн” буоларынан, биэнсийэни муус устар 30 күнүгэр ыытыахтара. Оттон “Арассыыйа почтатынан” ылааччылар биэнсийэлэрин ыам ыйын 3 күнүттэн тутан барыахтара (дьиэлэригэр да, почта каассаларыгар да тиийэн).
Санаттахха, быйыл ыам ыйыгар икки төгүл үстүү күн өрүөхпүт. Үлэ, саас, эйэ бырааһынньыгар – ыам ыйын 1, 2, 3 күннэригэр. Улуу Кыайыы күнүгэр – ыам ыйын 9, 10, 11 күннэригэр.
