Сахастат 2024 сыллааҕы чахчыларыттан көрдөххө, Арассыыйаҕа РФ култуураҕа министиэристибэтин иһинэн үлэлиир саамай элбэх тыйаатыр Уһук Илиҥҥэ баар эбит. Онтон аҥаардас 11 тыйаатыра – Саха сиригэр.
Холобур, Забайкальеҕа, Приморьеҕа уонна Хабаровскай кыраайга – алталыы, Бүрээтийэҕэ – биэс. Биһиги өрөспүүбүлүкэбит тыйаатырдара барыта холбоон 3906 миэстэлээхтэр. Ити Уһук Илиҥҥэ эмиэ саамай улахан көрдөрүү.
2024 сыллаахха өрөспүүбүлүкэ тыйаатырдара 1532 тэрээһини ыыппыттар. Судургутук эттэххэ, 2023 сыллааҕар 5,3%-нан элбэҕи. Ити сыл араас тэрээһиҥҥэ уопсайа 231,5 тыһыынча көрөөччү сылдьыбыт (2023 с. – 242,3 тыһыынча киһи). Ол аата, тыһыынча киһиттэн 231 киһитэ сыл баһыгар-атаҕар тыйаатыры “өҥөйөр” эбит. Ити сыл тыйаатырдарга 64 саҥа испэктээк турбут. 11 тыйаатыр ыстаатыгар 1072 киһи үлэлиир эбит. Онтон 50%-на – артыыс, 27,7%-на – уус-уран, ойуулуур-дьүһүйэр персонал, 22,3%-на – атын үлэһит.
Санаттахха, кулун тутар 27 күнүгэр аан дойдуга Тыйаатыр күнэ бэлиэтэммитэ.
