Муус устар 17 күнүгэр Саха сиригэр “Работа России. Время возможностей” үлэ дьаарбаҥкатын өрөспүүбүлүкэтээҕи түһүмэҕэ буолуоҕа. Бу күннээҕи туругунан, дьаарбаҥкаҕа 228 тэрилтэ кыттар былааннаах олорор, 3792 үлэ миэстэтэ баар буолуохтаах. Дьаарбаҥка буолуоh диэри ити сыыппара өссө элбиир чинчилээх. Ити туһунан СӨ Нэһилиэнньэ дьарыктаах буолууга киинэ иһитиннэрэр.
Киирбит сайаапкалартан көрдөххө, сорох тэрилтэлэр маннык үлэһиттэргэ наадыйаллар эбит: хиимик-инженер, бэтэринээр, маһы таҥастыыр үстүрүмүөнү сытыылааччы, буспатах бэлэм аһылыгы суулааччы, ынах ыыр массыына оператора уо.д.а.
Үлэ буларга көмөлөһөр дьаарбаҥкалар бары улууска ыытыллыахтара. Дьокуускай куоракка “Россия – моя история” түмэлгэ буолара былааннанар.
Дьаарбаҥка чэрчитинэн маннык тэриллиэ:
– Үлэ биэрээччилэри кытта кэпсэтии;
– Идэни таларга көмөлөһөр тэрээһин (профориентация);
– Дьарыктаах буолуу исписэлииһин кытта кэпсэтии;
– Үлэ биэрээччилэри уонна үөрэх тэрилтэлэрин бэрэстэбиитэллэрин кытта дьыалабыай көрсүһүү.
Итини сэргэ дьаарбаҥка чэрчитинэн “идэ бэстибээлэ” диэн маастар-кылаастаах тэрээһиннэр буолуохтара.
