Сибээс оператордара Дьокуускай куораттааҕы килиэйиэннэригэр мобильнай интэриниэт хааччахтаныан сөбүн туһунан иһитиннэриилэри ыытан эрэллэр. Дьон оннук биллэриилэри кулун тутар 26 күнүттэн туппуттар.
“Биһигиттэн тутулуга суох төрүөтүнэн интэриниэккэ кэккэ харгыстар үөскүөхтэрин сөп. Ол да буоллар Мегафон, Госуслуги, Яндекс, ВТБ, ПСБ, Альфа-Баан, ону тэҥэ маркетплейстэр уонна атын сиэрбистэр вай-фая суох үлэлииллэр. Өскөтүн...”, – диэн, холобур, Мегафон суруйар.
СӨ Инновацияҕа министиэристибэтэ ол чахчыны СИА-ҕа бигэргэппит.
“Билигини суотабай сибээс оператордарын базовай ыстаансыйалара штатнай эрэсиимҥэ үлэлии тураллар, саахал тахсыбыта бэлиэтэммэт. Ол гынан баран, Арассыыйа атын эрэгийиэннэригэр курдук, куттал суох буолуутун тэрээһинин былаана олоххо киирэ турарынан, Дьокуускайга уонна кини тулатынааҕы бөһүөлэктэргэ кэккэ хааччахтааһыннар киирдилэр”, – диэн министиэристибэҕэ быһаарбыттар.
