Анал байыаннай дьайыы саҕаланыаҕыттан Саха сирин үтүө көмөһүттэрэ (волонтердара) барыта 67,7 тыһыынчаттан тахса квадратнай миэтэрэ иэннээх хаххалыыр сиэккэни өрбүттэр. Ол аата уопсайа 2,5х1,5 кээмэйдээх 18 тыһыынчаттан тахса сиэккэни. Ол туһунан ыччат миниистирин солбуйааччы Александр Максимов иһитиннэрдэ.
“2022 сылтан 2026 сыл олунньутугар диэри үтүө көмөһүттэр хамсааһыннарын көмөтүнэн анал байыаннай дьайыы кыттыылаахтарыгар 150 туоннаттан тахса ыйааһыннаах гуманитарнай таһаҕас хомуллан тиэрдилиннэ. Үтүө көмөһүттэр ыстааптара 140 тыһыынчаттан тахса илии оҥоһугун оҥордулар. 8 тыһыынчаттан тахса байыас ыстааптарга сылдьан таҥас-сап ылла. Аҥаардас “Илии сылааһа” үтүө көмөһүт ыстаабыгар 6 тыһыынчаттан тахса байыаннайы экипировканан хааччыйдылар”, -- диэн кини кэпсээтэ.
Кини эппитинэн, “Добро.рф” саайка Саха сириттэн 41 тыһ. тахса киһи уонна 3 тыһ. курдук үтүө дьыала бэлиэтэммит. 2025 с. устата 7526 киһи уонна 1146 тэрээһин бэлиэтэммит.
“Саха сирэ эйигин кытта!” уопсастыбаннай хамсааһын инниги кирбиигэ 141 туонна таһаҕаһы, 5670 аадырыстаммыт малы-салы хомуйан ыытта. “Саха сирин бойобуой шелкопрядтара” 2025 с. хас биирдиитэ 5х20 миэтэрэлээх 306 дрону тохтотор илими өрдүлэр. 2026 с. өссө элбэх оҥоһуллуохтаах. Ону таһынан 485 дронтан көмүскүүр суорҕан, наһыылка, былаас уонна сабыы оҥоһуллунна”, -- диэн Александр Максимов эбэн эттэ.
Билигин үтүө көмөһүттэр уонна байыастар ордук аптечка, кэлээскэ, тайах-баттык курдук, о.д.а. мэдиссиинэ тэриллэригэр наадыйаллар. “Саха сирэ эйигин кытта!” хамсааһын дьиэтигэр хомуйаллар: Дьокуускай, Бестужев-Марлинскай уул. 5-с дьиэтэ.
