Саха сиригэр Арассыыйаны барытын аймаабыт пастереллез баара биллибэт. Балаһыанньа этэҥҥэ. Нэдиэлэ бүтүүтүгэр пастереллеһы утары охсуһар 50 тыһыынча доза вакцина кэлиэхтээх.
Бэтэринээрийэ судаарыстыбаннай сулууспата балаһыанньаны кыраҕытык хонтуруоллуу олорор. Бу күннэргэ исписэлиистэр 2743 сүөһүнү чинчийэн көрдүлэр уонна биир да пастереллезтээх сүөһү баарын булбатылар. Профилактика уонна дезинфекция тэрээһинэ толору ыытыллыбыт.
Бу нэдиэлэ бүтүүтүгэр былааннаммыт иммунизацияны ыытарга 50 тыһыынча ахсааннаах пастереллез вакцината кэлиэхтээх. Өрөспүүбүлүкэ бэтэринээрийэҕэ управлениетын “итии лииньийэтэ” күнүстэри-түүннэри үлэлиир: +7 (4112) 508-766. Управление улуустааҕы салааларын нүөмэрдэрин бэтэринээрийэ дьиҥ таһымнаах саайтыгар киирэн көрүөххэ сөп.
Балаһыанньаны кэмигэр кэтээн көрө олорор туһугар пиэрмэрдэр тыа хаһаайыстыбатын кыылын-сүөлүн ФГИС “ВетИС” тиһик “Хорриот” компоненыгар, оттон дьиэ кыылларын “Все звери” тиһиккэ регистрациялыахха наада. Үлэни-хамнаһы СӨ Тыа хаһаайыстыбатын министиэристибэтин иһинэн үлэлиир суһал ыстаап сүрүннүүр. Өрөспүүбүлүкэ былаастара нэһилиэнньэни бигэргэммит информацияны эрэ итэҕэйэргэ ыҥырар.
