Томпо улууһун Тополинайыгар Томпо уонна Дюганда үрэхтэри туоруур күргэлэри туттулар. Ол туһунан Ил Дархан Айсен Николаев үөрүүлээх тэрээһиҥҥэ сылдьан баран МАХ ханаалыгар суруйда.
Бу икки күргэ – 2018 с. кэннэ Саха сиригэр тутуллубут 62-с уонна 63-с күргэлэр. Айсен Николаев бэлиэтээбитинэн, күргэлэр дьоҥҥо-сэргэҕэ аҥаардас күргэ эрэ буолбатахтар. “Бу – быстыбат, куттала суох айан-сырыы, сарсыҥҥы күҥҥэ эрэл”, – диэтэ Ил Дархан.
Күргэлэр иккиэн холбоон 566 миэтэрэ усталаахтар, оттон киириилэрин-тахсыыларын аахтахха – 2,3 килэмиэтир. 1,56 млрд солкуобайдаах эбийиэктэри “Полиметалл” тэрилтэлиин кыттыһан тутуллубуттар.
Бэй.кэр.
Хаартыска: Андрей Сорокин/СИА
