Бу күннэргэ Сахастат өрөспүүбүлүкэ хаһаайыстыбалырыгар төһө сүөһү кыстаан турарын, ахсаана хаска тиийбитин туһунан суруйда.
2026 с. олунньутунааҕы барыллаан түмүккэ киһи үөрбэт чахчылара суруллубуттар. Ол курдук, билигин Саха сиригэр тыа хаһаайыстыбатынан дьарыктанар тэрилтэлэргэ 21 487 сүөһү кыстаан турар. Онтон 10 199 сүөһүтэ – ынах. Былырыын баччатааҕыны кытта тэҥнээтэххэ, тэриллиилээх хаһаайыстабаларга ынах сүөһү ахсаана 1%-нан аҕыйаабыт.
Сылгы көрдөрүүтэ өссө хобдох. Эмиэ бу ыйдааҕы ааҕынан, сылгы ахсаана 28 846 буолбут. Былырыыҥҥыттан 8,5%-нан көҕүрээбит. Көтөр ахсаана – 519 011 (-41,8%), сибиинньэ – 378 (-5,5%). Арай таба ахсаана кыратык да буоллар эбиллибит – 152 374 буолбут (+3,4%). Биллэн турар, ааспыт күһүн элбэх сүөһү идэһэлэнэҕэ. Быйыл саҥа төрөөн эрдэҕэ. Бука, учуокка ол киирбэтэҕэ буолуо.
Быйыл тохсунньу-олунньу ыйдарга 2025 с. тохсунньутугар-олунньутугар тэҥнээтэххэ, сүөһү уонна көтөр этин оҥорон таһаарыы (тыыннаах ыйааһынынан) 311,9 туоннаҕа тэҥнэспит (-42,8%), сымыыт – 24,5 мөл устуука (-10,3%)/
Оттон үүт баалабай ыаһына 1,6 тыһыынча туонна буолбут. Ол аата +16,8%-нан эбиллибит.
