2026 сыл Саха сиригэр Култуура сылынан биллэрилиннэ. Ол туһунан Ил Дархан Айсен Николаев ахсынньы 23 күнүгэр Анал илдьитигэр иһитиннэрдэ.
Ил Дархан санаппытынан, кэлиҥҥи сылларга өрөспүүбүлүкэҕэ аныгы култуура кииннэрин тиһигэ тэрилиннэ. “Кинилэр уопсастыбаннай олох, сырдатыы, айар-тутар кыах уонна Саха сирин олохтоохторун уратыларын көрдөрөр кииннэрэ буолуохтаахтар”, – диэн кини анаан бэлиэтээтэ.
Бу Култуура сыла Олоҥхо уон сылын саҕалыыр улахан тэрээһинэ буолуохтаах.
“Ааспыт уон сыллааҕы үлэ саарбахтаммат ситиһиилэрин бэлиэтээн туран, бүгүн мин Олоҥхо тыйаатырын Саха сирин норуоттарын култуурунай дастайаанньата буоларын билинэр ыйааҕы таһаардым. 1906 с. тэриллибит национальнай тыйаатыр култуура атаҕар туруутугар уонна норуот бэйэтин билиниитигэр уһулуччу суолталаах оруолун билинэн туран, тохсунньу 16 күнүн Саха национальнай тыйаатырын тэриллибит күнүнэн билэнэр ыйааҕы баттаатым”, – диэн Айсен Николаев иһитиннэрдэ.
Бэй.кэр.
Хаартыска: СИА
