Дьокуускайга Үөһээ Бүлүүттэн төрүттээх анал байыаннай дьайыы кыттыылааҕа, ефрейтор Алексей Петровка Арассыыйа Дьоруойун «Кыһыл Көмүс сулуһун» туттардылар.
Үрдүк наҕарааданы Илиҥҥи байыаннай уокурук аармыйатын командующайын солбуйааччы э.т. генерал-майор Андрей Козлов туттарда. Кини Алексейынан Илиҥҥи байыаннай уокурук бүттүүнэ, ол иһигэр сулууспалаабыт Кыһыл Знамялаах 39-с гаврдейскай мотострелковай биригээдэтэ, киэн туттарын бэлиэтээтэ.
Ил Дархан Айсен Николаев Алексей Рафаэловичка, кини чугас дьонугар махтанна уонна харчылаах сэртипикээти кытта Дьоруой аатын сүкпүт алмаас куопуйатын туттарда. Оттон Үөһээ Бүлүү олохтоохторун аатыттан улуус баһылыга Валерий Николаев эҕэрдэлээтэ.
Үөрүүлээх тэрээһин кэмигэр «Медведь» позывнойдаах доҕордорун Алексейы кимэн киирии этэрээтигэр бииргэ сулууспалаабыт доҕотторо быһа холбонуу көмөтүнэн эҕэрдэлээтилэр:
«Биһиги эйигин кытта сулууспалаабыппытыттан үөрэбит уонна киэн туттабыт. Билигин биһиги уолаттарбыт төрүт нуучча сирдэриттэн нацистары кыйдыы сылдьаллар. Убай, кыайыы биһиэнэ буолуо!», – диэн байыастар эрэннэрдилэр.
Алексей Петров Ил Дарханы кытта кэпсэтиитигэр Арктикатааҕы судаарыстыбаннай агротехнологическай университекка туттарсар уонна тыа хаһаайыстыбатыгар үлэлиир баҕалааҕын эттэ.
Хаартыска: Андрей Сорокин, СИА
