Ахсынньы 17 күнүттэн “Якутия” авиа-хампаанньа РФ бырабыыталыстыбатын 215 №-дээх урааҕар олоҕуран, субсидиялаах билиэттэри атыылаан эрэр. Бу туһунан СИА суруйар.
Усулуобуйата:
1. Билиэттэр 2024 с. ахсынньы 17 күнүттэн 2025 с. ахсынньы 31 күнүгэр диэри атыыланаллар.
2. Ол билиэттэринэн 2025 с. тохсунньу 1 күнүттэн 2025 с. ахсынньы 31 күнүгэр диэри көтүөххэ сөп.
Федеральнай субсидия чэрчитинэн, нэһилиэнньэ чэпчэтиинэн туһанар араҥата маннык хайысхаларга чэпчэтиилээх билиэттэри атыылаһыан сөп:
- Дьокуускай – Владивосток: тарыып 6400 солк.
- Дьокуускай – Екатеринбург: тарыып 6000 солк.
- Дьокуускай – Иркутскай: тарыып 2500 солк.
- Дьокуускай – Минеральные Воды: тарыып 7600 солк.
- Дьокуускай – Москуба: тарыып 7000 солк.
- Дьокуускай – Новосибирскай: тарыып 5000 солк.
- Дьокуускай – Омскай: тарыып 4500 солк.
- Дьокуускай – Санкт-Петербурга: тарыып 7000 солк.
- Дьокуускай – Сочи: тарыып 7800 солк.
- Нерюнгри – Москуба: тарыып 7100 солк.
- Нерюнгри – Новосибирскай: тарыып 6000 солк.
- Певек – Москуба: 9000 солк.
Чэпчэтиилээх билиэти Арассыыйа нэһилиэнньэтин маннык араҥата атыылаһар бырааптаах:
- 23-гэр диэри саастаах эдэр дьон;
- 55-тэриттэн аҕа саастаах дьахталлар;
- 60-нарыттан аҕа саастаах эр дьон;
- I курууппалаах инбэлиит уонна кинини арыаллааччы;
- Инбэлиит оҕону ыарыллааччы;
- Оҕо эрдэҕиттэн II эбэтэр III курууппалаах инбэлиит;
- Элбэх оҕолооҕун туоһулуур докумуоннаах элбэх оҕолоох дьон.
Федеральнай субсидия чэрчитинэн, Уһук Илин эрэгийиэннэрин дьиҥ таһымнаах регистрациялаах олохтоохторо маннык хайысхаларга чэпчэтиилээх билиэттэри атыылаһыахтарын сөп:
- Нерюнгри – Москуба: тарыып 9700 солк.
- Дьокуускай – Санкт-Петербург: тарыып 9200 солк.
- Дьокуускай – Москуба: 9200 солк.
- Певек – Москуьа: тарыып 9700 солк.
Оҕолор айанныыр тарыыптара:
- 2-гэр диэри саастаах оҕолор – босхо (анал миэстэтэ суох);
- 2 – 12 саастаах оҕолор – тарыып сыанатыттан 25% чэпчэтии (миэстэлээх)
Тарыыптар атын эрэгийиэннэртэн төттөрү кэлэргэ эмиэ дьайаллар.
