2025 с. тохсунньутуттан от ыйыгар диэри нэһилиэнньэ чэпчэтиинэн туһанар араҥатыгар уонна Уһук Илин олохтоохторугар анаан эспэримиэн быһыытынан субсидиялаах авиа-билиэттэри онлайн-атыыга таһаарыахтара.
Дойду бырабыыталыстыбата эспэримиэни бигэргэппитин туһунан ТАСС суруйар.
Эспэримиэн 2025 с. тохсунньу 1 күнүттэн от ыйын 1 күнүгэр диэри ыытыллар. Онно нэһилиэнньэ чэпчэтиинэн туһанар араҥата, ол иһигэр 23-гэр диэри саастаах эдэр дьон, биэнсийэлээхтэр, инбэлииттэр, элбэх оҕолоох ыаллар, Уһук Илин уонна Калининград уобалаһын олохтоохторо хапсаллар.
Суруйалларынан, ити эспэримиэн дьон-сэргэ билиэти атыылаһар ньыматын судургутутуохтаах, авиа-хампаанньалар отчуоттарын чэпчэтиэхтээх.
Бэй.кэр.
Хаартыска: sochi.com
