Дьокуускай борокуратуурата невролог-бырааһы холуобунай эппиэккэ тардарга сөбүлэстэ. Дьахтары РФ ХК 109 ыстатыйатын 2 чааһынан (судургутук эттэххэ, идэлээх эбээһинэһин сатаан толорботоҕуттан киһи өлүүтэ) сууттаатылар.
Суут быһаарбытынан, 2023 с. тохсунньутугар невролог-быраас балыыһаҕа көрдөрүнэ кэлбит киһи туругун ситэ чинчийбэтэх, сүрэҕэ тэбэригэр көмөлөһөр анал электростимулятордааҕын быһаарбатах уонна МРТ-чинчийиитигэр ыыппыт.
Онон, ыарыһах 2023 с. олунньутугар систээх хоҥхочоҕун МРТ-га түһэртэрэ кэлэн баран, чинчийэр кэбиниэккэ аппараакка түһээри тыына быстыбыт.
Суут бырааһы 2 сыл көҥүлүн уонна 2 сыл мэдиссиинэ өҥөтүн оҥорор мэдиссиинэ тэрилтэтигэр үлэлиир быраабын сарбыйар уурааҕы таһаарбыт.
Бириигэбэр сокуоннаах күүһүгэр киирэ илик диэн СӨ борокуратуурата иһитиннэрэр.
