Өрөспүүбүлүкэ сайдыытын корпорациятын исписэлиистэрэ киинэ режиссердарын уонна продюсердарын кытта көрсөн, креативнай экэниэмикэ туһунан кэлэр сокуону ырыттылар. Сайдыы корпорацията бу эйгэ үүнэригэр туругу олохтуур анал сокуону оҥорор.
Киинэ оҥорооччуларга сүрүн көмөтүнэн нолуок чэпчэтиитэ уонна «рибейт» тиһигэ буолуон сөп. Рибейт диэн — Саха сирин иһигэр, студия киинэни устарыгар ороскуоттаабыт харчытын сорҕото төннүүтэ. Бу ньыма Аан дойдуга киэҥник туттуллар, Арассыыйа регионнарыттан Приморье уонна Калининград уобаластарыгар баар.
Бары чэпчэтиилэр саҥа сокуоҥҥа киириэхтэрэ, онно 2022 сылтан Саха сиригэр үлэлиир киинэни өйүүр сокуон төрүт буолуоҕа.
Корпорацияҕа бэлиэтээбиттэринэн, креативнай индустрия хампаанньаларын анал реестрэ тэриллиэҕэ. Бу испииһэккэ киирбит тэрилтэлэр нолуоктан чэпчэтиилэри уонна атын да өйөбүллэри ылар кыахтаныахтара.
«Сайдыы корпорацията» ГК пресс-сулууспата
Хаартыска: СӨ Сайдыы корпорацията
