Ааспыт үйэ 80-c сылларын ортолоро, Дьокуускай. “Кыым” уонна “Социалистическая Якутия” хаһыаттар урукку “Туймаада” маҕаһыын аттыгар маннык истиэндэлэргэ сыһыарыллан “тарҕатыллар” этилэр. Ол саҕана оптуобус сырыыта хаалар мөлтөх, суотабай төлөпүөн суох. Онон дьон-сэргэ, оптуобус кэтэһэ таарыйа, аа-дьуо хаһыаттары ааҕара.
Быыс булан, истиэндэлэргэ куорат олохтоохторо уонна ыалдьыттара илиинэн суруйуллубут биллэриилэрин сыһыараллара. Сороҕор ол биллэриилэр аллара өттүлэригэр дьон эбии ыйытыктары суруйбут буолара. Холобур: “Төлөпүөҥҥүн ылбаккын, атын нүөмэр баар дуо?” – эҥин диэн. Онон, интэриниэт ситимэ тарҕана илигинэ (дьиҥэр, ол саҕана баара; Эмиэрикэ аарымыйата туттар этэ), ити истиэндэлэр бастакы “пуорум былаһааккалара” буолбуттара.
Сэбиэскэй былаас үрэллиэҕиттэн, истиэндэлэргэ хаһыаттар сыһыарыллыбат буолбуттара. Онон кинилэри “куорат пуорума” баһылаабыта. Ол быыһыгар Оһуохай Уйбаан хаһан, ханна оһуохай ыытарын биллэрбит буолааччы...
Александр ИЛЬИН-ЕГОРОВ.
