Соторутааҕыта социальнай ситимнэринэн Алмаасэргиэнбаан моҥкуруоттуурун, итиэннэ уурунуу харчыбытын сып-сап уста охсорбут туһунан сымыйа сурах-садьык тарҕанан, сорох итэҕэйэмтиэ дьону ыксата, ууга-уокка түһэрэ сылдьыбыта.
Ону баара, баан моҥкуруоттуур санаата суох. АЭБ 2026 сыл 6 ыйын түмүгүнэн үбүн-харчытын ааҕынан отчуоттаата. Онно көстөрүнэн, баан сыл аҥаара иһигэр ыраас барыһа 303 мөл. солк. тэҥнэспит. Бу былырыыҥҥы көрдөрүүттэн биэс төгүл элбэх. Маны таһынан, нэһилиэнньэҕэ уонна биисинэскэ туһаайыллыбыт өҥөлөрүн биллэ хаҥаппыт. Холобур, угуйумтуо уонна үрдүк ыстаапкалаах уурунуу харчы өҥөлөрүн эбии киллэрбит.
Күн бүгүн баан килийиэннэр иннилэригэр сүгэр бары эбэһээтилистибэлэрин толору оҥоро олорор. Бэл диэтэр, Кытай юань харчытын хамаҕатык атыылыыр, атастаһар кыахтаах. Бу барыта АЭБ үлэтин хайысхата сөпкө уонна көдьүүстээхтик барарын туоһулуур.
Бэй. кэр.
Хаартыска: АЭБ.
