Дьокууйскай биир маҕаһыыныгар «Регион холода» диэн буокка атыыга тахсыбыт. Дьаралыгар хаар кыырпаҕа, сахалыы мандар, кыһыҥҥы көстүү, дьүкээбил уонна 14 сыыппара (эрэгийиэммит федеральнай кода) бааллар. Дьаралык киинигэр сиилээн турар. Ол эрэн, бу иннинэ тахсыбыт араас буокка мааркаларын курдук, эмиэ Саха сиригэр туох да сыһыана суох.
Сиилээн биһиги эрэгийиэммит биир муҥутуур биллэр брендэ буолар. Олохтоохтор ону төһө кыалларынан туһаныахха баара дииллэр. Көрөргут курдук, бу сырыыга эмиэ туора дьон туһаммыттар. Буокканы Соколово диэн Алтаай уобалаһын сэлиэнньэтигэр оҥорбуттар.
P.S.
Арыгыны олус иһэр эккэ-хааҥҥа охсуулаах. Бу ыстатыйа ыйыллыбыт бородууксуйа угуйуга буолбатах.
Хаартыска – Yakutia24.ru
