Economist таһаарыы (Британия) оҥорбут эриэйтинигэр, Украина киин куората Киев “киһи олороругар саамай табыгаһа суох 10 куорат” кэккэтигэр киирдэ.
Бу испииһэккэ барыта 173 киин куорат киирбититтэн, Киев 166-с миэстэҕэ тиксибит. Кинини кытта кэккэлэһэ Хараре (Зимбабве), Триполи (Ливия), Дамаск (Сирия), Дакка (Бангладеш) сылдьаллар. Ити эмиэ киһи олоҕор-дьаһаҕар саамай кутталлаах, сэрэхтээх дойдулар. Оттон аан дойду үрдүнэн “олорорго саамай табыгастаах куорат” аатын Копенгаген (Дания) иккис сылын субуруччу ылан бастаабыт.
Биллэн турар, Киев “хайдах маннык олоххо тиийэн хаалбытын” өйдүүбүт, билэбит.
“Кыым”.
Хаартыска: guide.planetofhotels
