Мин олунньу 23 күнүнэн эр дьону эҕэрдэлээн суруйар үгэһим суоҕа. Тоҕо диэ? Хата, бэйэбин эҕэрдэлээбиттэрэ ордук дии саныырым. Төһөтүн да иһин, икки сыл аармыйаҕа сулууспалаатаҕым, саппааска сылдьар сержант буолабын. Анал байыаннай дьайыы саҕаланыар диэри ити курдук санаалааҕым. Кырдьыга, аҕыйах сыл пуорма кэттиҥ да буспут-хаппыт буойун буолан тахсыбаккын. Дьиҥ чахчы, оннук буолар уонна таска көстөр – улахан уратылаахтар.
Ол иһин илиибэр куорсун ылан, бу суруйан бооччойон эрэбин. Саха сирэ дьиҥнээх буойуннар, дьоруойдар дойдулара буоларын өссө төгүл итэҕэйдим.
Олунньу 23 күнэ, биллэн турар, 100 % кинилэр бырааһынньыктара. Олохторун толук уурарга бэлэм хорсун буойуннар дойдубут тутулуга суох буоларыгар туруулаһаллар. Кинилэр тустарынан ырыа айаллар (“Русский танк Алёша”). Хорсун быһыыларын сөхпөтөх киһи суох, оннооҕор Сир саарын биир гына дуораһыйар. Илон Маск, Андрей Григорьев кыттыылаах видеотын көрөн баран, “Х” бэйэтин социальнай ситимигэр: “На всякий случай у меня в стене спальни вмонтирован траншейный нож времён Первой мировой войны. Выпуск 1917 года. Более полезен, чем пистолет в ближнем бою” диэн кэмэнтээрий суруйбутун астына көрбүтүм. Маннык түгэннэргэ сөҕүү-махтайыы, дойдубутун киэн туттуу истиҥ иэйиитэ уһуктар. Суворов “Мы русские, какой восторг!” диэбитин курдук, “Он татарин, русский и якут – он Алёша, и за ним страна!” диэн тыллар өйбөр көтөн түһэллэр.
Айсен Сергеевич Николаев Киин тэлэбиидэнньэҕэ биэрбит интервьютугар бэрт сөпкө бэлиэтээн турар: “Саха сирин тыйыс айылҕата олохтоох дьон майгытыгар ураты суолу-ииһи хаалларар, туохтан да толлубат-тостубат гынар, модун күүстээх оҥорор” диэн.
Ол гынан баран санаа күүһэ баар буолара эрэ тутах, ону сөптөөх хайысхаҕа салайыахха наада. Анал байыаннай дьайыы саҕаланарыгар элбэх киһи долгуйбута, төрүөтүн, туох сыаллаах ыытылларын ситэ өйдөөбөтөҕө.
Мин оннук дьоҥҥо анаан 80 сирэйдээх эссе суруйбутум (VK ситимҥэ баар). Ити түгэҥҥэ сыһыаран эттэххэ, миэхэ туох да саарбаҕалааһын, өйтөн айан этии суох – Вьетнам сэриитигэр уордьанынан наҕараадаламмыт байыаннай эписиэр уола буолабын. Оскуоланы бүтэрбитим (1984 с.) уонна ССРС кэмигэр аармыйаҕа сулууспалаабытым (1986--1988 сс.). Быһатын эттэххэ, буспут-хаппыт киһибин. Ити да гыннар 35 сыл кэриҥэ талбытынан көҥүллүк сылдьар кэм ааһа оҕуста, онон умнубутум элбэх.
Оттон биһиги буойуннарбытыгар ону өйдөтөр-санатар наадата суох, кинилэр баар балаһыанньаны үчүгэйдик өйдөөн сылдьаллар. Ити иһин кинилэргэ барҕа махтал буоллун!
Кэлэн иһэр бырааһынньыгынан, эр дьон! Айыыһыттаргыт харыстыы-араҥаччылыы сырыттыннар!
Бу бэлиэ күнүнэн сибээстээн, “Ленские высоты” ЖК-ҕа кыбартыыра атыыласпыт дьоҥҥо эбии чэпчэтиини биллэрэрбитин санатабын!
Сиһилии атыы отделыттан ыйыталаһыҥ!
Офис продаж
Адрес: 677001, Республика Саха (Якутия), г. Якутск, Новопортовская улица, дом 1В
+7 (4112) 243-904
Режим работы:
ПН-ПТ: с 9:00 до 19:00
СБ: с 9:00 до 17:00
ВС: выходной
Этот адрес электронной почты защищён от спам-ботов. У вас должен быть включен JavaScript для просмотра.
* Застройщик ООО СЗ РП «Якутск». ОГРН 1021401050945. Строительство и продажи осуществляются в соответствии с Федеральным законом №214-ФЗ «О долевом участии в строительстве многоквартирных домов и иных объектов недвижимости». Проектная декларация размещена на сайте https://наш.дом.рф/. Не является публичной офертой. Акция «отделка под чистовую в подарок» действительна в период с 01.02.2026 г. по 31.03.2026 г. Вариант отделки "под чистовую" предоставляется застройщиком ООО СЗ РПЯ бесплатно, при условии оформления ДДУ в срок с 01.02.2026 г по 31.03.2026 г. Акция «скидка 8%» действует с 01.02.2026 по 28.02.2026 г. Условия: скидка 8% при 100% оплате. Кол-во квартир ограничено. Подробные условия акции уточняйте в отделе продаж (4112) 255-522 или на сайте www.lenskievisoti.ru
