Бүгүҥҥүттэн саҕалаан СПИДи уонна инпиэксийэлээх ыарыылары сэрэтэр уонна утары охсуһар өрөспүүбүлүкэтээҕи киин (СПИД-центр) Дьокуускай олохтоохторугар биэс суол инпиэксийэҕэ босхо экспресс-тиэстэри оҥоруоҕа. Киин куорат дьоно-сэргэтэ уонна ыалдьыттара ВИЧ, В уонна С гепатит, сиипилис уонна сэллик анаалыстарын аҕыйах мүнүүтэ иһигэр уонна биир-биэс харчыта суох туттарыахтарын сөп.
Анаалыс ыарыыта суох, быыкаа хааны тарбах төбөтүттэн биирдэ туттуллар аптамаат скарификатордарынан ылаллар. Туругутук түмүгэ 15 мүнүүтэнэн тута биллэр. Түмүгү анаалыһы туттарбыт киһиэхэ бэйэтигэр эрэ этэллэр, ол да тарҕаммат кистэлэҥ информация буолар.
ЭКСПРЕСС-ТИЭСТЭРИ ХАННА, ХАҺАН ТУТАЛЛАРЫЙ?
Бэс ыйын 23, 24 күннэригэр – 13:00—17:00 чч. 202-с түөлбэтээҕи сөтүөлүүр сиргэ;
Бэс ыйын 25 күнэ – 15:00—19:00 чч. Култуура уонна сынньалаҥ пааркатыгар;
Бэс ыйын 29, 30 күннэригэр – 15:00—19:00 чч. Орджоникидзе болуоссатыгар.
Бэй.кэр.
Хаартыска: СӨ Доруобуйа харыстабылын министиэристибэтэ.
