Төһө даҕаны таһырдьа бу күннэргэ күммүт сандаарыччы тыктар, сорох сиргэ тымныы ытарчалыы ыга ылан, ыытар санаата суох диэххэ айылаах. ЯУГМС саайтыгар суруллубутунан, сарсыардатын салгын тэмпэрэтиирэтэ Өймөкөөҥҥө -40°,, Жилиндаҕа -39°, 9, Үөһээ Дьааҥыга -37°.
Оттон, Саха сирин соҕуруу өттүгэр халлааммыт туруга сааскылыы сылаас эбит. Ол курдук, Томмокко -17°,, Нагорнайга -18°, Чульмаҥҥа -19°, Алдаҥҥа -20°, Витимҥэ -20°.
Соҕуруу улахана суох, аҕыйах хаардаах, сорох сиринэн 9-14 м/с. тибиилээх тыаллаах. Арҕаа, хоту сорох сирдэринэн аҕыйах хаар түһүө. Кытылга сорох сиринэн 15-20 м/с. силлиэлээх тыаллаах.
Салгын тэмпэрэтиирэтэ түүн -29-34°, хаардаах буоллаҕына -15-20°, хотугулуу-арҕаа, хотугулуу-илин сорох сирдэринэн -37-42°. Оттон күнүс кыраадыспыт -10-15° буолар эбит, хоту -17-22°, соҕуруу, соҕуруулуу-илин -6-11°.
Дьокуускайга -26°, кыраадыс, аэропуорт оройуонугар -27°. Сөҥүү туһэрэ күүтүллүбэт, тыал хотуттан 2-7 м/с үрэр, оттон күнүс -12-14° буолуоҕа.
Хаартыска аһаҕас источниктан ылылынна
