Судаарыстыбаннай экологическай надзор Саха сиринээҕи кэмитиэтэ уонна СӨ ЫБММ кыра суудуналар судаарыстыбаннай инспекцията, Өлүөнэ өрүскэ суудуна тимирбитин туһунан иһитиннэриинэн эриэйдэ оҥордулар.
Бэрэбиэркэ кэмигэр 1500 туонна уйуктаах “Рефрижератор” суудуна тимирбитин буллулар. Бу туһунан СӨ экология министиэристибэтин пресс-сулууспата иһитиннэрэр. Суудуна дамба аттыгар хоймоххо турбут.
“Суудуна тимирбит миэстэтигэр ньиэп тохтубут суола булулунна. Уу боруобата ылылынна”, – диэн иһитиннэриигэ суруйаллар.
Бу дьыала матырыйаала туһааннаах уорганнарга барыа.
