СӨ Экологияҕа, айылҕа баайын туһаныыга уонна ойуур хаһаайыстыбатыгар министиэристибэтэ сир баайын хостуур тэрилтэлэр тулалыыр эйгэҕэ хайдах дьайалларын быһаарар бастакы эриэйтинин оҥордо. АЛРОСА саамай элбэх баалы ылан бастакы миэстэҕэ таҕыста.
“Сир баайын хостуур тэрилтэлэр ЭкоЭриэйтиннэрэ” Экология министиэристибэтин Уопсастыбаннай сүбэтин көҕүлээһининэн оҥоһулунна. Министиэристибэҕэ отчуот түһэрэр барыта 151 хампаанньа үлэтэ сыаналанна.
“АЛРОСА эриэйтин муҥутуур чыпчаалыгар тахсыыта кини сир баайы эппиэтинэстээхтик хостуурун туоһулуур. Ону биһиги үлэһиттэрбитин, партнердарбытын уонна олохтоох уопсастыбаннаһы кытта кыттыгас ситиһиибит быһыытынан сыаналыыбыт, бу барыта салгыы сайдарбытыгар, экология эйгэтигэр өссө эппиэтинэстээх буоларбытыгар тирэх буолар. Биһиги сир баайын көдьүүстээх хостооһуну, тулалыыр эйгэҕэ куттал суох буолуутун уонна эрэгийиэн социальнай-экэнэмиичэскэй сайдыытын дьүөрэлиир соруктаахпыт”, – диэн АЛРОСА Экологияҕа киинин салайааччыта Анастасия Габрашитова эттэ.
АЛРОСА пресс-службата
