Бүгүн, муус устар 9 күнүгэр, Дьокуускай куоракка халлаан арыый тымныйыаҕа, сөҥүү түһүөҕэ. Гидромет-киин Саха сиринээҕи салаата иһитиннэрэринэн, бүгүн күнүс -1...+1 кыраадыс тымныы-сылаас буолуоҕа. Эбиэккэ диэри көннөрү, эбиэт саҕана инчэҕэй хаар түһүөҕэ. Суол-иис мууһунан бүрүллүө.
Бүгүн Үөһээ уонна Орто халымаларга, түүнүн Нерюнгри оройуонугар сөкүүндэҕэ 16—21 миэтэрэ түргэннээх тыаллаах буолуо, сорох сиргэ тиибии түһүө. Үөһээ уонна Орто халымаларга сорох сиринэн хаардыа. Бүгүн күнүс киин улуустарга температура -2...+3, арҕаа уонна хотугулуу-илин -2...-7, хотугулуу-илин намыһах сирдэргэ -9...-14 кыраадыс тымныы буолара күүтүллэр.
Даҕатан эттэххэ, Дьокуускайга халлаан арыый тымныйыыта арҕааттан кэлэн турар циклону кытта ситимнээх.
Бэй.кэр.
Хаартыска: gorod-tv.com
