Саха сирин уонна Кытай исписэлиистэрэ «Куолума-Чаппанда» эркээйи сиргэ «Полет стерха» диэн ааттаах норуоттар икки ардыларынааҕы орнитологическай обсерватория сайдыытын ырыттылар. Мунньах соторутааҕыта видео-ситим нөҥүө буолан ааста. Бэлиэтээн эттэххэ, «Полет стерха» барыл «Экологическое благополучие» диэн национальнай бырайыак соруктарын толорор.
Мунньах сүрүн тиэмэтэ — барыл быйылгы сайдыытын былаана. Кыттааччылар көтөрү тутууга (кольцевание) уопуттарынан атастастылар, Саха сиригэр уонна Кытайга туттуллар араас ньымалары ырыттылар.
Мунньах түмүгүнэн, Дирекция уонна РНА Сибиирдээҕи салаатын Айылҕаны үөрэтэр институт (ИБПК СО РАН) кытайдааҕы кэллиэгэлэрин Саха сиригэр кэлэн, «Полет стерха» орнитологическай обсерватория үлэтин көрөргө ыҥырдылар.
Санатан эттэххэ, быйыл «Полет стерха» барыл чэрчитинэн, «Нордголд» хампаанньа өйөбүлүнэн «Куолума-Чаппанда» эркээйи сиргэ (Охотскай Перевоз сэлиэнньэ таһыгар) көтөрү тутар саҥа станция тутуллуоҕа. Бу хамсааһын экологическай туризм сайдыытыгар уонна симэлийэн эрэр көтөр көрүҥнэрин харыстыыр суолтатын дьоҥҥо-сэргэҕэ тиэрдэр соруктаах.
СӨ Айылҕа харыстабылын министиэристибэтин пресс-сулууспата
Хаартыска: СӨ Айылҕа харыстабылын министиэристибэтэ
