Бүгүн, кулун тутар 20 күнүгэр, өрөспүүбүлүкэ кэккэ улуустарыгар +5 кыраадыска тиийэ сылыйыаҕа. Илин эҥээргэ, ону сэргэ Уус Майдаҕа уонна Мииринэйгэ кыралаан хаардыаҕа. Соҕуруулуу-арҕаа күнүһүн инчэҕэй хаар түһүөҕэ.
Арҕааҥҥы улуустарга уонна Арктика кытылыгар сөкүүндэҕэ 9—14 миэтэрэ түргэннээх тыаллаах буолуо. Хотугу Муустаах байҕал арыыларыгар тыал 18—23 м/с буолуо.
Бу түүн киин улуустарга -15...-20, оттон халлаан дьайҕаран ылар кэмигэр -27 кыраадыска тиийиэҕэ. Арҕааҥҥы улуустарга быһа холооон -10...-15 буолара күүтүллэр. Соҕуруулуу-илин уонна соҕуруулуу-арҕаа – баара-суоҕа -4...-9 кыраадыс. Ити – түүҥҥү өттүгэр.
Бүгүн күнүс киин улуустарга 0...-5 кыраадыс тымныы буоллаҕына, соҕуруулуу-илин, соҕуруу уонна Халыма сүнньүгэр салгын +5 кыраадыска тиийэ сылыйыаҕа. Оттон хотугулуу-арҕаа уонна хотугулуу-илин -5...-10 буолуоҕа.
Бүгүн түүн Дьокуускай куоракка -18...-20 кыраадыс буолара күүтүллэр. Күнүс биллэ сылыйыа – -4...-6 буолуо. Өтөрүнэн кыраһа да, хаар да түһэрэ күүтүллүбэт.
