Дьокуускай аннынан муус барда  Бүгүн, ыам ыйын 17 күнүгэр, Дьокуускай куорат аннынан муус хойуутук устар. Уу таһыма 496 см буолла. Муус үөһэ кирбиитэ Хаҥалас улууһун Иһит бөһүөлэгин аннынан баар. Онно у... | Уу суола суолтатын сүтэрбэт  Ас-үөл, атын да таһаҕас тиэллиитигэр хорук тымыр суолталаах уу суола – сүрүн көмө. СӨ олох-дьаһах хааччыллыытыгар куттал суох буолуутун судаарыстыбаннай кэмитиэтэ иһитиннэ... |
Дьиэ кэргэн Ыччакка Саха тылын билэр оҕо 500 евроны ылар кыахтаах
Google корпорация уонна Apertium тэрилтэ 2012 сыл тохсунньу 16 күнүгэр диэри Google Code-In диэн ааттаах куонкурус ыыталлар. Куонкурус усулуобуйатынан хас биирдии кыттыбыт оҕо (13-17 саастаах) үс сорудаҕы толордоҕуна, 100 евро (4 тыһ. солк. кэриҥэ) харчыны хамнас курдук ылар (кыттыбытын туоһулуур сэртипикээт, футболка, харчынан бириэмийэ көрүллэр, гран-при – Google штаб-квартиратыгар Маунтин-Вью куоракка (Калифорния, АХШ) төрөппүтүн кытта айан).
Google корпорация тиэкистэри аптамаатынан тылбаастыыр Translate.google диэн сиэрбистээх. Билигин бу сиэрбис 50-ча хайысхаҕа тылбаастары оҥортуур. Бу тэрилтэ тылларын ахсаанын өссө кэҥэтиэн баҕарар, онон маннык куонкуруһу ыытар. Киниэхэ манна көмө буолар 18 тэрилтэттэн биирдэстэрэ – Apertium.
Apertium эмиэ итинник тылбаасчыты үлэлэтэр. Билигин бу тэрилтэ түүр уонна финн-угор тылларын сэргиир. Онон үлэһиттэрэ Арассыыйатааҕы билим тэрилтэлэригэр кэлэн үлэлии сылдьаллар.
Куонкурус саха тылыгар сыһыаннаах сорудахтара маннык көрүҥнээхтэр:
* Код — көмпүүтэргэ код оҥоруу эбэтэр код рефакторина;
* Сырдатар үлэ/маркетинг — сырдатар-билиһиннэрэр үлэҕэ сыһыаннаах;
* Чинчийии: Баар проблемалары чинчийии уонна ону быһаарыыга хайысхаларын торумнааһын.
Саха тылыгар маннык сорудахтар бааллар (сиһилии көр: http://wiki.apertium.org/wiki/Task_ideas_for_Google_Code-in/Russian)(
|
Көрүҥэ
|
Ис хоһооно
|
|
Код
|
Lttoolbox форматынан 100 тыллаах башкир-саха, бүрээт-саха, английскай-саха, нуучча-саха тылдьыттарын оҥоруу
|
|
Чинчийии
|
Тэҥнээһин: Саха уонна нуучча тыллара Саха тылыттан нуучча тылыгар тылбаастыырга анаан элбэх тургутар фразалары оҥоруу (бу сирэйдэри сиһилии көр 'Pending tests' уонна 'Regression tests'). Төһө кыалларынан тыллар ураты бэлиэлэрин көрдөрүөхтээх. Сорох холобурдары грамматикаттан ылыахха, сорохторун өйтөн толкуйдуохха сөп. Программирование туттуллубат, грамматика эрэ. Эмиэ ити курдук, саха-татаар, саха-турок, саха-английскай тылларга. |
|
Маркетинг
|
Бикипиэдьийэҕэ баар Apertium туһунан ыстатыйаны Саха Бикипиэдьийэтигэр анаан сахалыы тылбаастааһын.
|
Бу үлэҕэ кыттыан баҕалаах оҕолор төрөппүттэрэ аналлаах сөбүлэҥҥэ илии баттыахтаахтар — үбү-харчыны кытта үлэ ону ирдиир (http://wiki.apertium.org/wiki/Task_ideas_for_Google_Code-in/Russian Манна киирэн хачайдаан ылан баран толорон, илии баттаан баран ыйыллыбыт аадырыска олунньу 7 күнүгэр дылы ыытан кэбиһиллэр).
Омук уонна саха тылын учууталларыттан, информатиканы биэрэр учууталлартан уонна төрөппүттэртэн көрдөһүөм этэ — оҕолорго көмөлөһүҥ. Бу үлэ кинилэргэ харчыны эрэ буолбакка, туохха да тэҥнэммэт уопуту биэриэҕэ диэн эрэнэбин. Саха тыла туругурарыгар суолтатын этэ да барыллыбат.
Ыйытыыларгытын манна ыытыҥ: Этот e-mail адрес защищен от спам-ботов, для его просмотра у Вас должен быть включен Javascript (миэхэ) эбэтэр Этот e-mail адрес защищен от спам-ботов, для его просмотра у Вас должен быть включен Javascript (нууччалыы, английскайдыы, Эктор – Hиctor Alтs).
Николай ПАВЛОВ-ХАЛАН,
Саха Бикипиэдьийэ
тэрийээччитэ.
TOP
Настоящее свидетельство выдано в соответствии с Законом Российской Федерации от 27 декабря 1991 года №2124 "О средствах массовой информации". Управление Федеральной службы по надзору в сфере связи, информационных технологий и массовых коммуникаций по Республике Саха (Якутия) ИА №ТУ 14 - 0098 от 22 апреля 2010г.
Учредитель ИА «Кыым» -- ООО «Ситим-Медиа». Главный редактор – Нутчина Т.К.