Бөдөҥ учуонай Екатерина Романова күн сириттэн күрэннэ

Олоҕун сыллара: 09.05.1961-24.09.2026

Подробности

Кини ыһыаҕы ыһыы кэнсиэпсийэтин оҥорбута уонна Арктика геокултуурунай чинчийиилэрин методологиятыгар билиниллибит лиидэр этэ.

Екатерина Назаровна 1961 сыллаахха ыам ыйын 9 күнүгэр Кэбээйи сэлиэнньэтигэр төрөөбүтэ. 1983 сыллаахха Ленинградтааҕы судаарыстыбаннай университет историческай факультетын бүтэрбитэ, 1987 сыллаахха – ССРС НА Ленинградтааҕы отделениетын этнография институтун аспирантуратын. Онно кини ыһыахха аналлаах кадидатскай диссертациятын көмүскээбитэ. 1999 сыллаахха РНА Этнологияҕа уонна антропологияҕа институтугар “Мифология и ритуал якутской традиции” диэн тиэмэҕэ дуоктар буолар диссертациятын көмүскээбитэ. 2001 сыллаахха ГЧИ этнография секторын арыйан салайбыта, ол кэннэ институт иһинэн интеелектуальнай история уонна култуура киинин арыйан салайбыта.

2014 сыллаахха АГИКИга культурология дуокатра Дмитрий Замятины кытары геокултуурунай брендинг норуоттар икки ардыларынааҕы лабаратыарыйатын олохтообута.

Екатерина Назаровна биһиги эрэдээксийэбит ыкса доҕоро, сүбэһитэ этэ. Кини биһиги ыытар төгүрүк остуолларбытыгар, тэрээһиннэрбитигэр мэлдьи кыттара. Екатерина Назаровна чугас дьонугар, доҕотторугар, кэллиэгэлэригэр дириҥ кутурҕаммытын тиэрдэбит.

Хаартыска: Дьокуускай куорат дьаһалтата