Бэс ыйын 20 күнүттэн Саха сиригэр үрдүк уонна орто үөрэхтэргэ туттарсыы саҕаланна. СӨ үөрэххэ уонна билимҥэ министиэристибэтэ этэринэн, быйыл үрдүк үөрэх кыһаларыгар 5 277, оттон орто анал үөрэх кыһаларыгар 6 800-чэ босхо миэстэ (бүддьүөт) көрүллүбүт. Докумуону 54 араас үөрэх тэрилтэтигэр биэриэххэ сөп
ДОКУМУОНУ ХАЙДАХ ТУТТАРАБЫТ?
Докумуону туттарар үс суол баар:
- абитуриент бэйэтэ тиийэн тутар хамыыһыйаҕа биэриэн сөп;
- Арассыыйа почтатынан ыытыан сөп;
- “Госуслуги” портал нөҥүө.
Быйыл үрдүк үөрэх кыһаларын тус саайтарын нөҥүө докумуону тутар бобуллубута. Онон докумуону бэс ыйын 20 күнүттэн от ыйын 25 күнүгэр диэри үөһэ ыйыллыбыт үс суолунан туттарыахха сөп.
УЛАРЫЙЫЫ
Быйылгыттан тус сыаллаах (целевой) үөрэххэ ураты болҕомто ууруллан, сөбүлэҥи түһэрсии, туттарсыы тиһигэ төрдүттэн уларыйда. Мантан антах хас биирдии квота ымпыгар-чымпыгар тиийэ быһаарыллар буолла: абитуриент хара ааныттан ханна үөрэнэрин, үөрэх бырагырааматын уонна бүтэрэн баран ханнык тэрилтэҕэ ханна үлэлии барарын чопчу билэр буолла.
Быйыл өрөспүүбүлүкэ үрдүнэн барыта 932 тус сыаллаах миэстэ көрүллүбүт. Онтон:
- 452 миэстэтэ – мэдиссиинэ хайысхатыгар;
- 117 миэстэтэ – педогогика хайысхатыгар;
- 52 миэстэтэ – арго-бырамыысыланнай хайысхаҕа;
- 26 миэстэтэ – тырааныспар тэрилтэлэригэр.
САҤА ИДЭЛЭР
2026 сылтан кэллиэстэргэ уонна техникумнарга кэккэ аныгы идэлэр арылыннылар:
- “Разработка компьютерных игр и виртуальной реальности”;
- “Интеграция решений с применением искусственного интеллекта”;
- “Информационное моделирование в строительстве”;
- “Безопасность на акватории”;
- “Стоматологическое дело”;
- “Мастер животноводства”.
ИРДЭНЭР ДОКУМУОННАР
Сирэй да тиийэн туттарарга, онлайн да ыытарга маннык булгуччулаах докумуоннар ирдэнэллэр:
- сайабылыанньа;
- пааспар;
- үөрэхтээһин туһунун уонна (эбэтэр) үөрэхтээһин уонна идэтийии туһунан докумуон;
- мэдиссиинэ ыспыраапката;
- волонтер хамсааһыныгар кыттыбыты туоһулуур докумуон;
- 4 хаартыска;
- тус дааннайы обработкалыырга сөбүлэҥ.
ҮӨРЭХХЭ КИИРЭРГЭ СКЭ ОРТО АЛЫН БААЛА
- Нуучча тыла – 40
- Профильнай математика – 40
- Физика – 41
- Обществознание – 45
- Устуоруйа – 40
- Информатика – 46
- Омук тыла – 40
- Литэрэтиирэ – 40
- Биология – 40
- География – 40
- Химия – 40
ЫЙЫТЫЫЛААХ БУОЛЛАХХА
Үөрэххэ туттарсыы туһунан тугу эмэ өйдөөбөтөххө, кэккэ суолу чопчулаһарга колл-киин 8 800 100-20-17 нүөмэригэр эрийиэххэ эбэтэр үөрэх министиэристибэтин саайтыгар “Информация абитуриенту 2026 года” салааҕа киирэн ааҕыахха сөп.
Бэй.кэр.
Хаартыска: М.К. Аммосов аат. ХИФУ
