Бу күннэргэ Москубаҕа Индия Өрөспүүбүлүкэтин посола Винай Кумар кэлэ сырытта. Онно Индияны кытта визата суох эрэсиим олохтонуон сөбүн туһунан кэпсэтии тахсыбыт.
“Арассыыйаны кытта ити боппуруоһу дьүүллэһэ сылдьабыт. Билиҥҥитэ бу эрэсиим хаһан олоххо киирэрэ чопчу биллибэт. Күн бүгүн Индия биир да дойдуну кытта оннук эрэсиими олохтуу илик, онон Арассыыйа бастакы дойдунан буолуон сөп. Өскөтүн бу кэпсэтиилэр ситиһиилээхтик түмүктэннэхтэринэ, тэхиньиичэскэй ирдэбиллэри үөрэтэн саҕалыахпыт”, – диэн Винай Кумар “Известие” хаһыакка бэйэтин интервьютугар бэлиэтээн аһарбыт.
Дьиҥэ, ити боппуруос үөрдүөхтээҕэр, салыннарар эрэ курдук. Биллэн турар, Индия соччо үчүгэйэ суох дойду буолан, билиҥҥээҥҥэ диэри атын омук дойдулара ыкса “доҕордоспокко” сырыттахтара диэн толкуйдатар. Арай күн сарсын ааммыт аһыллан биэрдэҕинэ, төһөлөөх элбэх дьадаҥы Индия дьоно тоҕо анньан кэлэллэрэ биллибэт. Бука, арассыыйалар баһыйар өттүлэрэ аһара ити дойдуга күүлэйдии таласпаттара буолуо ээ. Оттон эһиги, туох дии саныгыыт?
Kyym.ru.
Хаартыска: Российская газета.
