Ил Дархан Айсен Николаев “Холбоһуктаах куораттар уонна олохтоох былаастар” (Объединенные города и местные власти) аан дойдутааҕы тэрилтэ кыттыгас бэрэсидьиэнинэн талылынна. Кэнгириэс Мороккоҕа буолбут. ОГМВ иһинэн 140 дойдуттан 240 тыһыынча кэриҥэ муниципальнай тэриллии, эрэгийиэн уонна мегаполис холбоһон үлэлиир. Планета 70% нэһилиэнньэтин интэриэһин туруулаһар.
“Араас кэнтиниэн куораттарын мээрин өйөбүлүнэн, кэнгириэс миигин ОГМВ бүрүсүдьүүмүгэр кыттыгас бэрэсидьиэнинэн талла, барыта биэс бэрэсидьиэн баар. Бу улахан эппиэтинэс уонна Арассыыйа аан дойду муниципальнай уонна эрэгийиэннээҕи хамсааһыгар оруола күүһүрэн иһэрин туоһулуур”, – диэн Айсен Николаев “Макска” ханаалыгар суруйбут.
Ил Дархан эппитинэн, ОГМВ тэрилтэтигэр Арассыыйа оруола улаатарыгар улахан кылааты Казань куорат мээрэ салайар “ОГМВ Евразии” норуоттар икки ардыларынааҕы ассоциацията киллэрбит.
Саҥалыы талыллыбыт бүрүсүдьүүмү Турция Конья куоратын мээрэ Угур Ибрагим Алтай салайар буолбут.
