Өлүөнэ күргэтин тутуу саамай уустук түһүмэҕэ саҕаланна – үлэ-хамнас барыта Өлүөнэ өрүс сүнньүгэр ыытылла турар. Ол туһунан Ил Дархан Айсен Николаев СИА-ҕа кэпсээтэ.
Билигин баантабай күргэ пилоннара түһүөхтээх коффердамнарын туруора сылдьаллар. Икки коффердамҥа үлэ барар, үсүһү эһиил саҕалыахтаахтар. Ону сэргэ күргэни “Өлүөнэ” федеральнай айан суолун кытта ситимниэхтээх эстакадалары, тирээбил атахтары оҥороллор.
“Күргэ бырайыактыыр түһүмэхтэн тутууга киирдэ. Онтун ааһан, өрүс сүнньүгэр киирдибит – бу үлэ саамай ыарахан, судургута суох түһүмэҕэ. Былаантан хаалбакка баран иһэбин”, – диэтэ Ил Дархан.
Айсен Николаев эппитинэн, кини үлэ-хамнас хайдах бара турарын кэмиттэн-кэмигэр бэрэсидьиэн Владимир Путиҥҥа дакылааттыыр үһү.
“Бэрэсидьиэн күргэт тутуутун ымпыгын-чымпыгын бэркэ билэ олорор, биһигини өйүүр. Кини санаатын күүһүнэн уонна быһаарытынан Өлүөнэ күргэтэ бүгүн тутулла турар да диэххэ сөп”, – диэн Ил Дархан эттэ.
