Ил Дархан Айсен Николаев “Якутия, веперд!” бырагыраамаҕа Саха сиригэр уматык тоҕо лимиитинэн атыыланар буолбутун быһаарда.
“Уматыгы тиэйэн аҕаларга эрдэттэн үлэлээбиппит, хантараактары баттаспыппыт, собуоттары уонна улахан корпорациялары кытта сибээс олохтоммута. Петербурдааҕы экэниэмикэ пуорумун сабыылаах чааһыгар “Газпром нефть” салалтатын кытта Хотугу завоз уматыгынан тиһигин быспакка хааччыллыахтааҕын туһунан кэпсэппиппит. Ол түмүгүнэн Саха сиригэр уматык сүрүн өттө “Саханефтегазбытынан” толоруо кэлиэҕэ диэн эрэннэрбиттэрэ. Түмүгэ номнуо көстөн эрэр”, – диэтэ Айсен Николаев.
Ил Дархан этэринэн, кыһалҕаны чааһынай тэрилтэлэр көрсүбүттэр. Кинилэр гражданскай оборуона уонна олоххо-дьаһахха куттал суоһаабатын хааччыйыы миниистирэ Дмитрий Лепчиковы кытта мэлдьи сибээстэһэ олороллор.
“Балаһыанньаны тупсарарга бары үлэлэһиэхпит. “Саханефтегазсбытка” уонна атын хампаанньаларга уматык тоҕо лимииттэрэнэ өйдөнөр. Лимиити дьон аймамматын, ол ухханыгар уматыгы канистраларга куттан гарааһыгар хаһаанан турбатын диэн киллэрдилэр. Онон, мин санаабар, үөкээбит балаһыанньаны этэҥҥэ мүччү түһүөхпүт. Саппааһы барытын суһал ыстаап кэтии олорор”, – диэн Айсен Николаев быһаарда.
