Атырдьах ыйын 21 күнүгэр Дьокуускай куораттааҕы суута былырыын ХИФУ уопсайыгар Петр Мохчогоровы кырбаан өлөрбүт Григорий Андреев бириигэбэрин таһаарда.
Дьокуускай куораттааҕы суутун судьуйата бириигэбэрин присяжнайдар кэллиэгийэлэрин быһаарыытыгар сигэнэн таһаарбыт: “РФ Холуобунай кодексын 111 ыстатыйатын 4 чааһынан буруйданар” диэн. Онон Григорий Андреев 8 сыл кытаанах эрэсиимнээх холуонньаҕа ураахтанна. Сүтүктээх дьоҥҥо морольнай хоромньуну толуйарга 5 мөл. солк. ирдэнэн ылыаҕа.
Санаттахха, Петр Мохчогоров 18 саастааҕа. Эбээн Бытантайтан төрүттээх эдэр киһи ХИФУ юридическай кэллиэһигэр бастакы кууруска үөрэнэрэ. Г.Андреев ГРФ устудьуона этэ.
Бириигэбэр күүһүгэр киирэ илик. Онон өрүттэр өссө да ааһыныахтарын сөп.
Кыым.ру.
Хаартыска: СӨ борокуратуурата.
