Дьокуускайга Амматтан уонна Тааттаттан төрүттээх эр дьон бириигэбэрдэрэ таҕыста. Кинилэри куолаан кырыктаахтык өлөрүүгэ уонна өлөрүүгэ холонууга буруйдаатылар. Үһүөх хаайылыннылар.
Быһыылаан Дьокуускай таһыгар Хатас бөһүөлэгэр буолбут. Буруйдаахтар икки киһини тутун ылан гараас батарыайыатыгар кэлгийэн туран, маһынан, тимиринэн, битанан, хаптаһынан, шнурунан быһыта сынньыбыттар, илиилэринэн-атахтарынан кырбаабыттар. Кэлгиллибит дьонтон биирдэрэ онтон сылтаан өлбүт. Иккис киһи мүччү туттаран тыыннаах хаалбыт.
Өлөрүөхсүттэри присяжнайдар сууттара дьүүллээтэ. Ол кэннэ суут ууруу уурда: үһүөн ким 19, ким 18, ким 16 сылга кытаанах эрэсиимнээх холуонньаҕа бардылар.
Кыым.ру.
Хаартыска: Фотобанк Лори
