Айсен Николаев сокуоҥҥа саҥа уларытыылара эргиэн тэрилтэлэрэ санитарнай нуорманы тутуспатахтарына административнай эппиэккэ тардыллаллар диэн этэр. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
Бэҕэһээ, бэс ыйын 18 күнүгэр Ил Түмэҥҥэ Саха сирин административнай кэһиилэрин кодексыгар (КоАП) ыксаллаах быһыы-майгы туһунан пууҥҥа уларытыылары киллэрэр туһунан ылыннылар. Инньэ гынан, атыы-эргиэн тэрилтэлэрин луоһунастаах дьоно санитанай-эпидемиологическэй быраабылалары кэстэхтэринэ административнай эппиэккэ тардыллаллар. Маҕаһыын салалтата хайаан даҕаны дезинфекцияны ыытыахтаах, мааска эрэсиимин, социальнай дистанцияны тутуһалларын ирдиэхтээх. Маныаха олохтоох салайыныы уорганнара миэстэтигэр баар санитарнай нуормалары тутуһалларын хонтуруоллуур кыахтаннылар.