Максим Аммосов сырдык кэриэһигэр

28.12.2015 16:37 | Автор: Admin | Көрдүлэр: 4819    Сонуннар
Печать

Ammosov_MK“Ахсынньы 22 күнэ – саха норуотун устуоруйатыгар бэлиэ күн. Бу күн, 1897 сыллаахха саха судаарыстыбаннаһын төрүттээччи, өрөспүүбүлүкэ бастакы бастайааннай бэрэстэбиитэлэ Максим Кирович Аммосов төрөөбүтэ”, – диэн РФ Бэрэсидьиэнигэр СӨ бастайааннай бэрэстэбиитэлэ А.Стручков Чаҕылхай Максим төрөөбүтэ 118 сылыгар анаан, кини пааматынньыгар сибэкки ууруу сиэрин-туомун аһыллыытыгар эттэ.


“Максим Кирович уонна кини биир санаалаахтарын тулхадыйбат санааларынан уонна күүстээх үлэлэринэн, 1922 сыл олунньу 16 күнүгэр БСКК Бүрүсүдьүүмүн уурааҕынан Саха Автономнай Сэбиэскэй Социалистическай Өрөспүүбүлүкэтэ төрүттэммитэ, РСФСР омуктар дьыалаларыгар норуодунай комиссариатыгар Быстах кэмнээх бэрэстэбиитэлистибэ тэриллибитэ, онно бэрэссэдээтэлинэн Аммосов анаммыта”, – диир А.Стурчков.

 

Санаттахха, СӨ Бастайааннай бэрэстэбиитэлистибэтин 90 сылын көрсө, 2012 сыллаахха Москубаҕа М.К. Аммосов пааматынньыга аһыллыбыта. Пааматынньыкка сибэкки ууруу сиэригэр-туомугар бэрэстэбиитэлистибэ үлэһиттэрэ, устудьуоннар кытыннылар. Эмиэ бу күн А.Стручков бэйэтин эҕэрдэтин М.Аммосов кыыһа Лена Максимовна Аммосоваҕа тиэртэ.