Тупсарыы сыл

28.12.2015 16:31 | Автор: Admin | Көрдүлэр: 19771    Сонуннар
Печать

egor442016 сылы Саха Өрөспүүбүлүкэтигэр «Нэһилиэнньэлээх пууннары тупсарыы сылынан биллэрэр туһунан” Саха сирин Ил Дарханын Ыйааҕа

Уопсастыба болҕомтотун сир-уот кэлимник сайдыытыгар, тупсарыыга, көҕөрдүүгэ туһаайар, нэһилиэнньэ олороругар сөптөөх усулуобуйаны тэрийэр туһугар уонна Саха АССР төрүттэммитэ 100 сылыгар бэлэмнэнии чэрчитинэн, уурабын:

1. 2016 сылы Саха Өрөспүүбүлүкэтигэр «Нэһилиэнньэлээх пууннарыы тупсарыы» сылынан биллэрэргэ.

2. Саха Өрөспүүбүлүкэтигэр “Нэһилиэнньэлээх пууннарыы тупсарыы” сылын бэлэмниир уонна тэрийэр кэмитиэти тэрийэргэ.

3. Бигэргэтэргэ:

3.1. Бу Ыйаах 1 №-дээх сыһыарыытыгар олоҕуран, Саха Өрөспүүбүлүкэтигэр “Нэһилиэнньэлээх пууннарыы тупсарыы” сылын бэлэмниир уонна тэрийэр кэмитиэт састаабын.

3.2. Бу Ыйаах 2 №-дээх сыһыарыытыгар олоҕуран, Саха Өрөспүүбүлүкэтигэр “Нэһилиэнньэлээх пууннарыы тупсарыы” сылын бэлэмниир уонна тэрийэр кэмитиэт балаһыанньатын.

4. Бу Ыйаах 1 №-дээх сыһыарыытыгар олоҕуран Саха Өрөспүүбүлүкэтигэр “Нэһилиэнньэлээх пууннарыы тупсарыы” сылын бэлэмниир уонна тэрийэр кэмитиэт 2016 сыл тохсунньу 1 күнүгэр диэри “Нэһилиэнньэлээх пууннары тупсарыы” сылын сүрүн тэрээһиннэрин былаанын оҥорон, Саха Өрөспүүбүлүкэтин Бырабыыталыстыбатын бигэргэтиитигэр киллэрэригэр.

5. Муниципальнай оройуоннар уонна куорат уокуруктарын баһылыктара муниципальнай тэриллиилэргэ Саха Өрөспүүбүлүкэтигэр “Нэһилиэнньэлээх пууннарыы тупсарыы” сылын тэрээһиннэрин ыыталларыгар.

6. Саха Өрөспүүбүлүкэтин судаарыстыбаннай былааһын толоруулаах уорганнара, уоспастыбаннай түмсүүлэр, тэрилтэ бары көрүҥнэрэ Саха Өрөспүүбүлүкэтигэр “Нэһилиэнньэлээх пууннарыы тупсарыы” сылын бэлэмниир уонна тэрийэр үлэнэ көхтөөхтүк кытталларыгар.

7. Бу Ыйаах олоххо киириитин тус хонтуруолбар ылабын.

8. Бу Ыйааҕы маассабай информация официальнай сириэстибэлэригэр таһаарарга.

Саха Өрөспүүбүлүкэтин Ил Дархана Е.БОРИСОВ.