Саха Өрөспүүбүлүкэтин I Бэрэсидьиэнин Михаил Ефимович Николаевы төрөөбүт сиригэр – Хаҥалас улууһун Өктөм нэһилиэгин Чапаево сэлиэнньэтигэр ийэтин аттыгар кистээтилэр.
Саха омук улуу сирдьитэ, Саха сирин Аан Дархана бэйэтэ үөрэммит сэттэ кылаастаах оскуолатын (билиҥҥитэ Хаҥалас улууһун үөрэҕириитин түмэлин) таһыгар ийэтэ кириэстэммит Свято-Троицкай таҥара дьиэтин кылабыыһатыгар төрүт буорун булла.
Көмүү иннинэ Билим дьоҕус академиятыгар Михаил Ефимовиһы бүтэһик суолугар атаарыы буолла. Саалаҕа баппат киһи кэлэн, сорох дьон миитини таска олорон экран нөҥүө көрдүлэр.
Сүрүн этиилэри Ил Дархан Айсен Николаев, Ил Түмэн вице-спикерэ Александр Жирков эттилэр. Сулууспаны Дьокуускай уонна Ленскэй патриарха Роман ыытта.
Бэйэ кэр.