Киин быыбардыыр хамыыһыйа түөрт хандьыдаакка төрдүөннэригэр дастабырыанньаларын туттарда.
Өрөспүүбүлүкэ баһылыгын дуоһунаһыгар хандьыдааттары регистрациялааһын түмүктэннэ. Барыта 8 киһи туруоруммутуттан өрөспүүбүлүкэ Киин быыбардыыр хамыыһыйата 4 хандьыдааты бигэргэттэ.
От ыйын 31 күнүгэр Киин быыбардыыр хамыыһыйа Ил Дархан дуоһунаһыгар билиҥҥи Ил Дархан Айсен Николаев (Биир ньыгыл Арассыыйа), Гаврил Парахин (ЛДПР), Виктор Губарев (КПРФ), Игорь Борисов (Арассыыйа хомуньуустара) күрэстэһиэхтэрэ диэн биллэрдэ.
Санатар буоллахха, туһааннаах дастабырыанньаны Айсен Николаев от ыйын 20 күнүгэр туппута. Атын хандьыдааттар дастабырыанньаларын өрөспүүбүлүкэ КБХ-тын салайааччыта Евгений Федоров бүгүн, от ыйын 31 күнүгэр, туттарда.
“Саха сирин Ил Дарханын талыы өрөспүүбүкэ баартыйаларын олоҕун улаханнык долгутта. Баартыйалар 8 хандьыдааты киллэрбиттэриттэн 4-дэ бигэргэннэ. Атыттар муниципальнай тэриллиилэр баһылыктарыттан уонна былаас бэрэстэбиитэллээх уорганнарын дьокутааттарыттан ирдэнэр 5 % илии батааһынs кыайан хомуйбакка, муниципальнай фильтри ааспатылар”, – диэн Киин быыбардыыр хамыыһыйа бэрэссэдээтэлин солбуйааччы Александр Власов иһитиннэрдэ.
ЯСИА