Өрөспүүбүлүкэ социальнай үлэһиттэрин стратегическай сиэссийэтигэр Ил Дархаҥҥа соц-үлэһиттэри “Уһук Илин ипэтиэкэтигэр” киллэрэр туһунан этии киирбитэ. Бу этиини Айсен Николаев өйүүрүн биллэрдэ.
“Социальнай үлэһиттэри “Уһук Илин ипэтиэкэтигэр” киллэрэр этиини өйүүбүн”, – диэтэ Айсен Николаев. Уонна бырабыыталыстыба бу боппуруоһу болҕомтоҕо ыларыгар сорудахтаата, ону тэҥэ Уһук Илин полпреда Юрий Трутнев салайыытынан ыытыллар Уһук Илин ипэтиэкэтин үлэтигэр бу туһунан биллэриэх буолла.
Соц-үлэһиттэри “Уһук Илин ипотекатыгар” киллэрэр туһунан туһаайыыны Үлэ министиэристибэтэ Арассыыйа Бырабыыталыстыбатыгар суруйуоҕа.
Саха сиригэр 2022 с. “Уһук Илин ипэтиэкэтинэн” 5 тыһ. киһи олорор усулуобуйатын тупсарбыт. Бу ол иннинээҕи сылтан икки төгүл үрдүк көрдөрүү.
Санатар буоллахха, чэпчэтиилээх 2 %-наах ипэтиэкэ 2019 с. 35 саастарын туола илик эдэр ыалларга, сааһын туола илик оҕолоох толорута суох ыалларга (сааһынан хааччаҕа суох) бэриллэр.
СӨ Ил Дарханын уонна Бырабыыталыстыбатын пресс-сулууспата.
Андрей Сорокин хаартыскаҕа түһэриитэ.