“Олорор сир уонна куорат эйгэтэ” нац-бырайыак “Ыраас уу” федеральнай бырагырааматын өйөбүлүнэн Амма Алтаныгар сууккаҕа 200 куб ууну ыраастыыр кыамталаах ыстаансыйа тутуута саҕаланна.
Бырайыак быһыытынан Алтаны ыраас уунан хааччыйарга сууккаҕа 200 куб ууну хачайдыыр носуостаах сир аннынааҕы водозабор, икки 200 кубтаах емкость, сууккаҕа 200 куб ууну ыраастыыр ыстаансыйа уонна 250 кубтаах икки ыраас уу резервуара көрүллэр.
Бүгүҥҥү күҥҥэ сири хаһыы үлэтэ түмүктэннэ, суол оҥоһулунна, территория былааннанна. Ону тэҥэ саҥа скважинаҕа холбонор буолан, бырайыакка көннөрүүлэр киллэриллэллэр.
Онон кэлэр сыл бүтэһигэр Алтан олохтоохторо кииннэммит ыраас уунан хааччыллыахтара.
СӨ ДьУоХХ уонна энэргиэтикэ министиэристибэтин пресс-сулууспата.